اعترافات صادمة لطفلتين متهمين بقتل وهتك عرض "طفلة المنصورة"

صدى نيوز: اعترفت الأم المتهمة بالتستر على قيام بناتها بقتل طفلة عمرها 3 سنوات بقرية الحواوشة التابعة لمركز المنصورة أثناء اللهو بأنها أخفت الجريمة وألقت الطفلة في "كيس" وألقتها بالشارع خوفاً على بناتها من العقاب وغضب الأهالى وأسرة الطفلة، خاصة وأنهن أطفال ولا يدركن ما فعلاه، على حد تعبيرها.

وقالت الأم البالغة 29 سنة في تحقيقات النيابة: "إحنا جيران لأسرة المجنى عليها الطفلة (سهير أ ش)، 3 سنوات، واعتادت على الحضور لمنزلنا للعب مع بناتى داليا، 9 سنوات، وهالة 12 سنة، ويوم الواقعة كانت تلعب أمام منزلها فقامت ابنتي داليا بمناداتها للعب معها بالمنزل كعادتهما وبالفعل حضرت البنت ودخلت غرفة الأطفال للعب مع بناتي الإثنتين وفوجئت بإبنتي هالة تحضر لى وتقولى ماما سهير جاية من غير ملابس داخلية، فقلت لها مش مشكلة العبوا شوية وبعدين روحوها تلبس".

وأضافت الأم: "تركت الاطفال الثلاثة يلعبوا مع بعض وانشغلت في أعمال المنزل وبعد ساعة دخلت عليهم الغرفة لقيت بناتي الإثنين داليا وهالة قاعدين عليها وهى مرمية في الأرض وكاتمين نفسها ولما شافوني جروا وقعدوا يعيطوا".

وتابعت: "شلت البنت وقعدت افوق فيها لكن لقيتها ماتت وصرخت في البنات ايه اللي حصل فقالوا لى انهم اتفقوا يلعبوا عريس وعروسة وسهير هي العروسة وبعدين دخلوا الدولاب وحاولوا يدخلوا فيها صوابعهم هم الإثنين والبنت صرخت فزقوها خارج الدولاب فوقعت على الأرض وقعدت تصرخ فقعدوا فوقها ووضعوا ايديهم على فمها وكتموا نفسها علشان تسكت".

وانهارت الأم وهى تقول: "لقيت البنتين خايفين وبيبكوا ومش فاهمين اللي حصل خفت على بناتي وقلت لبنتي الكبيرة هالة تروح تجيب شيكارتين ووضعت جثة سهير فيها وتركتها في الدولاب حتى آخر النهار ونبهت عليهم ميخرجوش وميقولوش لحد اللى حصل ولا يقولوا إن سهير كانت عندنا أصلاً".

واستطردت قائلة: "لكن بعد ساعتين لقيت أسرة سهير بتسأل عليها ونفيت رؤيتها في هذا اليوم وقعدت أدور معاهم وبعدين نقلت جثة سهير تحت السرير خوفاً أن حد يدخل الغرفة ويشوفها وفي 5 صباحاً شلت الشيكارة وفيها الجثة ونقلتها بمساعدة بناتي ورميتها على السلالم المواجهة لبيتهم علشان لما يصحوا الصبح يلاقوها".

وتابعت: "أنا والله خفت على بناتي دول أطفال ومش عارفين هم عملوا إيه ولما لقيت البلد كلها بتدور على سهير واتقلبت بعد العثور على الجثة خفت أكتر على بناتي من غضب أسرة سهير وغضب أهالي القرية".

واعترفت الطفلتان داليا وهالة، 9 و 12 سنة، أمام النيابة العامة بإرتكاب الواقعة، وأنهما كانتا تلعبان مع سهير ولا يقصدان أذيتها.

وقالت الطفلة هالة: "كنا بنلعب عريس وعروسة لكن سهير قعدت تصرخ ولما وقعت على الأرض قعدنا عليها وكتمنا نفسها علشان ماما متسمعش وتيجي تضربنا لكن هي سكتت خالص وماما قالت إنها ماتت".

وأيدت الطفلة داليا أقوال شقيقتها قائلة: "احنا بنحب سهير وبنلعب معها على طول لكن لما لعبنا عريس وعروسة ودخلنا صباعنا فيها صوتت وخفنا أحسن حد يسمعنا ويضربنا علشان كده عيب".