صورة| ليث كان يشعر بقرب أجله بعمان .. هذا ما كتبه !

الكلمات التي كتبها قبل موته تبكي العيون والقلوب

رام الله - صدى نيوز - تداول ناشطون على مواقع التواصل الاجتماعي احدى المنشورات التي كتبها المرحوم ليث البداوي الذي يبلغ من العمر 17 عاماً وتوفي في انهيار جزء من عمارة بمنطقة ماركا الجنوبية بالعاصمة الاردنية عمان يوم الخميس الماضي ، والتي تبين انه كان يشعر بقرب اجله .
 
وبحسب مقربون من المرحوم انه كان صاحب خلق رفيع ويؤدي فروض الصلاة في المسجد القريب من السوبر ماركت الذي توفي فيه .

وكان مصدر امني  قال ان انهيار اجزاء من العمارة على السوبر ماركت الذي يعمل فيه المرحوم تسبب بتعرضه لاصابات خطيرة توفي على اثرها .

وتالياً المنشور الذي كتبه المرحوم :

#لما_اموت_امانه إدفنوني الصبح لا تبيتوني بالثلاجه ..
حتى اذا متت بالليل نيموني بغرفتي وغطوني منيح وبس يطلع الصبح ادفنوني ..
ولمآ تيجو تعزو عزو ع القبر .. لا تفتحو بالمضافه تكاليف على الفاضي .. وكلوا واشربو لا تحرمو حالكو من اشي
اتّذكرو كلشي حلو بيناا ومسخرتنا وحكينا وضحكنا ..
ولما تيجو ع قبري #ما_تعيطو لانو بتضايق وبِزعل كثير
وما بحب حدا يزعل بسببي بالمره ..
وبس بدكم تحطو ع بروفيلاتكم اختاروا #صوره دعاء خلي الناس تدعيلي ..
ولو عملتو فيديو اختارو احلى صور الي واحلى كلام حكتلكو اياه ..
وبس تيجو #تتذكروني اتذكروني بس بالخير وادعولي لما اموت
#ضحكتي رح تضل بقلب كل حدا عرفني وحبني ..
لما اموت احكوا انو ربنا اختارلي الافضل لما اموت ادعولي لا تنسوني ..
لماا امووت ضلكم زوروني ما بحب اضل لحالي حتى لو ما بتعرفوني منيح بحكم الاخوه بينا ..
واحكو معي صح بكون عند ربنا بس بكون حاسس فيكم وسامعكم
حتى لما أموت ما بدي أكون سبب زعلكم رغم كلشي #بحبكم_والله ما حدا ضامن عمرو واسف اذا زعلتكو مني