سفاح الجيزة يعترف: إحدى الضحايا كانت شغالة عندي وهذا ما فعلته بها

صدى نيوز - اعترف المعروف إعلاميا باسم "سفاح الجيزة"، قذافي فراج عبدالعاطي عبدالغني، 48 عاما، المتهم بارتكاب 4 جرائم قتل بمحافظتى الجيزة والإسكندرية في مصر، بتفاصيل إحدى جرائمه.

وأقر السفاح في قضية قتل فتاة في القضية المقيدة برقم 3066 لسنة 2021 جنايات قسم شرطة بولاق الدكرور، والمقدية برقم 5612 لسنة 2021 جنايات قسم الهرم، كلي جنوب الجيزة أن المجني عليها ياسمين نصر إبراهيم حسن، كانت شغالة عنده في المحل، وحصل خلافات مادية فقتلها.

وأضاف أن "خطيب المجني عليها، ويدعي محمد عبدالحليم شريف، جالي في يوم وقالي إنه عايز ينصب على ياسمين، وبعد لما قلب كده لقيته بيقولي إنها عندها شقة وعايزة تبيعها فاتفقت أنا وهو مع بعض ننصب عليها بأننا نخليها تعمل توكيل لمحمد شريف، وبعد ما عملت التوكيل اتفقت أنا وهو إننا نبيع الشقة بتاعته، وبعد ما بعنا الشقة بخمسين ألف جنيه، اتفقنا نقسم الفلوس، وكل واحد أخد خمسة وعشرين ألف جنيه، وبعد لما محمد أخد الفلوس هرب ولقيت ياسمين بتقولي إنتوا نصبتوا عليا".

وأكد قائلا : "قولتلها هجبلك الفلوس، وبقيت أتهرب منها، وبعد كدا بدأت ياسمين تتهمني، وتهددني أنها هتبلغ عننا، فقررت أقولها أنا حاطط الفلوس في مخزن بشارع النصر منطقة العصافرة بدائرة قسم شرطة المنتزه، تعالي خديها، ولما وصلت خنقتها بإيديا الاتنين".

وأشار قائلا: "أنا لما لقيتها بتهددني قررت أخلص منها بأني كلمتها وقولتلها الفلوس معايا، وأخدتها على المخزن وأول لما دخلنا المخزن قفلت الباب وهجمت عليها علشان أقتلها، هي كانت قصيرة وكان وزنها حوالي ستين كيلو وكانت قمحية البشرة، وخنقتها لمدة خمس دقائق، ثم دفنتها بالمخزن".