فيديو- محمد رمضان: يرضيكوا أدفع للطيار 9.5 مليون جنيه تعويض؟!

ردا على فيديو الطيار الذي نشره الطيار أشرف أبو اليسر الموقوف مدى الحياة عن الطيران، بسبب واقعة دخول الفنان محمد رمضان قمرة قيادة الطائرة، روى النجم محمد رمضان تفاصيل مع حدث مع الطيار عقب الأزمة.

وقال رمضان في مقطع فيديو جديد عبر صفحته على فيس بوك: "جمهوري الغالي شعب مصر الحبيب.. لكل متابعي أزمة الكابتن الطيار أشرف أبو اليسر.. أنا زي ما وعدت عمري ما هتخلى عنه.. أول أمبارح الحمد لله كلمت صديق ليا مدير شركة للطيران الخاص وحكيتله الموضوع، وقالي إن شاء الله خلال أسبوع يكون اشتغل ورجع لمهنته".

وتابع رمضان: "كلمت الأستاذ سعيد إمام مدير روتانا، وقولتله يتواصل مع الكابتن أشرف، يقوله محمد رمضان ينتظر الـ CV، علشان كلمت شركة إماراتية، وكان رده إنه مش هيبعت الـ CV.. فده الحل من وجهة نظري.. طبعا ده اللي كنت أقدر أعمله.. ولكن الكابتن أشرف بعت المحامي الخاص به، وقعد مع مدير الحسابات الخاص بيا، وكان اللي عوضه ويرضيه.. فحسب حسبة كان باقيله 3 سنين ويطلع على المعاش بالإضافة لمكافأة نهاية الخدمة، وبالإضافة للمعاش وشوية حاجات.. جمعهم وقالى إنه محتاج 9 ونص مليون جنيه.. فأنا سايب الحكم للي بيعلقوا وبيقولوا محمد رمضان تخلى عن الراجل.. لو انتوا شايفين إن ده يرضي ربنا أنا هعمله عادي جدا.. أنا سايبلكوا الرد".