الأحد 24 أكتوبر 2021 - الساعة: 05:21
آخر الأخبار
الأردن: 3 وفيات بحريق في مطعم بالعاصمة عمان SadaNews ألمانيا تسجل أعلى عدد إصابات بفيروس كورونا منذ منتصف مايو SadaNews مستوطنون يعربدون على قاطفي الزيتون شمال رام الله SadaNews صحيفة عبرية تكشف استعدادات إسرائيل لاحتمال الحرب مع "حزب الله" SadaNews الاتحاد الأوروبي يتبرع بـ 90 مليون يورو لـ"الأونروا" SadaNews وفاة 3 أشخاص اثر حريق مطعم في الاردن SadaNews الرئيس يصل أريحا لافتتاح عدد من المشاريع التنموية SadaNews خبراء تغذية يؤكدون.. هذه هي أفضل وجبة إفطار SadaNews دراسة تحذر من مادة كيميائية موجودة في البقالة تقتل أكثر من 90 ألف شخص سنويا SadaNews رام الله: تفاصيل اللقاء بين حركة فتح والجبهة الديمقراطية SadaNews أردوغان: أمرت بإعلان 10 سفراء "أشخاصا غير مرغوب فيهم" SadaNews تظاهرة قرب سخنين احتجاجا على تفشي الجريمة في أراضي الـ 48 SadaNews “السلام الآن”: قرار غانتس ضد المنظمات الحقوقية استمرار لسياسة حكومته بضم الأراضي الفلسطينية SadaNews  أول زيارة رسمية.. بينيت يزور الإمارات قريبًا SadaNews مصرع فتى متأثراً بجراح أصيب بها حادث سير في جنين SadaNews راقب جسدك... 6 علامات تكشف إصابتك بمرض السكر SadaNews مسؤولون اسرائيليون: أطلعنا واشنطن مسبقًا على قرار تصنيف 6 منظمات فلسطينية بأنها "إرهابية" SadaNews منظمات أمريكية تطالب شركتي "غوغل" و"امازون" بإلغاء عقدهما مع جيش الاحتلال SadaNews الحركة الأسيرة: سنبقى مستعدين لمواجهة أي إجراء قد يسعى الاحتلال لفرضه علينا SadaNews تركيا تدين موافقة "اسرائيل" على بناء وحدات استيطانية جديدة بالضفة

آلاء..فلسطينية يضربها والدها ويسبها بالفاظ نابية لا تليق بأي أب!

آلاء..فلسطينية  يضربها والدها ويسبها بالفاظ نابية لا تليق بأي أب!

صدى نيوز- متابعة خاصة- لا شك ان  قضية الاعتداء على النساء في فلسطين تراوح مكانها اجتماعيا وقانونيا، حيث يمارس العنف  ضد النساء على اختلاف اعمارهن ومستواهن .
لا يكاد يمر يوم دون ان نسمع عن قضية اعتداء جديدة ضد النساء في الوطن العربي بشكل خاص وفي فلسطين بشكل عام.

اليوم سنتحدث عن فتاة في غزة تدعى آلاء ياسين والتي نشرت قصة تعرضها للعنف الاسرى على صفحتها الشخصية على فيسبوك.

وكما رصدت صدى نيوز فان ما تعرضت له آلاء من قبل عائلتها يدمي القلوب.

وقالت آلاء" اسمي آلاء ياسين وكتير محتاجة أحكي قصتي مع العنف اﻷسري  راح أبدأ بآخر شي صار معي اليوم اليوم بعد ما صحيت وعملت قهوتي قعدت مع أبي وأمي ع رواق وحكيت ﻷبي بدي أكمل جامعة في علم الحاسوب، قام حكالي: لا بديش تعليم، ارتميي واقعدي في البيت قدامي جنب خواتك زي الكلبة. حكيتله هالشي كتير راح يطورني بشغلي ﻷني تعلمت برمجة وحابة يكون معي شهادة بهاد المجال عشان شغلي يصير أحسن، حكالي بديش اياكي تشتغلي. حكالي أكتر شي بندم عليه إني علمتك إنتي وخواتك يا شرم...طة وقعد يسبني بأبشع اﻷلفاظ وحكالي بمشي بالشارع وأنا موطي راسي منكم يا عاهرات، سألته ليش توطي راسك والحمدلله عمره ما حدا حكى عنا كلمة، حكالي عشانكم مرميات في وجهي ومعنسات وياريتني زوجتكم على عمر 15 سنة ﻷول عربنجي تقدملكم، حكيتلوا ليش احنا شو عاملات بقعدتنا بالبيت: حكالي بديش اشوفكم بالبيت قدامي خلص اتزوجوا وانصرفوا من وجهي بدال ما تتشرم..وا ع النت يا قح..ات.".


واضافت "كل هاد السب عشان قبل 4 سنوات في شاب اتقدملي من مصر وكنا بدنا نتزوج ولكن أبي ضل يرفض من دون أي سبب فقط ﻷنه من جنسية تانية، ومن يومها لليوم كل ما أحكي شي بيرد عليا بأبشع الصفات وبيتهمني بشغلات كتير عيب تطلع من تم أي إنسان فما بالكم أبي هو اللي بيحكيلي إياها. وكمان أمي بيغلط عليها وخواتي بيغلط عليهن وبيحكي عنهن معنسات وبيمنعنهن يطلعن وواقفلهن ع الواحدة.وأنا محرومة أطلع من البيت وللأسف بضطر أطلع من وراه ﻷقضي كل شغلي ومشاويري ومش عارفة كيف راح اشتغل وأمشي حياتي بهاي الطريقة اللي كتير تعبت منها وعم تتعب نفسيتي".

واردفت قائلة "الحمدلله قدرت أحوش مبلغ منيح من شغلي يقدر يخليني أكمل جامعتي ع حسابي الخاص، وأنا بالفعل سجلت ودفعت رسوم الفصل اﻷول ومقدرة قديش تعب أبي ليدرسنا جامعات ولكن حاليا هو مش راضي ومانعني من الطلعة ف كيف بدي أدرس التخصص اللي راح يطورني كتير في مجال شغلي وراح أبدع فيه وسط كل هالرفض والتحكم هاد. مع العلم إنه عادي أخي اﻷصغر منا بيروح وبياخد كورسات وبيداوم بشغله وما عمره انحكاله وين رايح ووين جاي".

وتابعت " اللي صار مع ولاء(فتاة ضربها شقيقها في غزة قبل أيام)  ذكرني يوم ما أخي ضربني بنص الجندي المجهول ولما حاول رجل من الواقفين يحميني منه حكاله أخي ما تدخل هاي أختي فالرجل وقف وبعد عنا.ولما رجعت ع البيت احكي ﻷبي قام حكالي خليه يربيكي ﻷنك مش مربية ويومها أخي اتهمني إني كنت ملزقة بالشباب وبتمحك فيهم مع إنه أختي كانت واقفة وحكت ﻷبي مش صحيح هالكلام ولكن ما صدقنا وصدق ابنه وحكالي انصرفي من وجهي ﻷكمل عليكي ومن يومها لليوم وأنا عيني مكسورة في البيت ﻷني انضربت واتعنفت لفظيا وجسديا وانظلمت كتير بتهمهم الكتير قاسية وبتوجع أي صبية محترمة. بعد هالموقف وكتير مواقف من التعنيف والقهر ووجع القلب اضطريت اروح اتابع عند دكتور نفسي ﻷنه هالشي ترك كتير آثار نفسية سيئة عندي".

ولفتت"لما حاولت أسافر قبل سنتين ﻷنه القانون الفلسطيني بيسمحلي أسافر من دون موافقة ولي أمري للأسف واسطة حقيرة بتدخل من أولاد عمي رجعتني تاني للبيت اللي عم تنتهك فيه كرامتي وإنسانيتي. رجعت وأنا كتير خايفة ومرعوبة ولهﻷ بشوف كوابيس ﻷنه أقل شي بنضرب عليه، فما بالكم محاولة سفر بدون موافقتهم. يومها ناس من المعبر والشرطة تدخلوا وهددوهم لو عملولي شي راح يمنعوهم من السفر كلهم ويومها عدت على خير ولكن المعاملة والتحكم والتعنيف اللفظي والجسدي عم يزيدوا. قبل كام شهر أولاد عمي حاولوا يصلحوا الموضوع واتوسطوا عند أبي يزوجني الشاب ولكن رفض وحكى مستحيل أزوجها اياه لو بدو يصير عمرها 70 سنة وخليها مرمية في البيت. ولما رجع أبي ع البيت ضربني وحكالي لو الشمس بتشرق من الغرب ما راح أزوجك إياه يا عاهرة. علما إنه هالشي كان قبل عيد ميلادي 27 بكام يوم كأنه عم يحكيلي: "كل عام وانتي مش بخير يابا".

وأكدت آلاء قائلة"حاولت ألجأ للمحكمة وأرفع قضية "عضل الولي" ولكن سألت محاميين كتير حكولي ما حد بيقبل يتدخل بهيك قصص ونادر ما تنجح خاصة إنه الشاب مش من غزة".

وانهت كلامها قائلة" قد ما نحكي نحنا قويات؛ للأسف المجتمع بالسلطة اﻷبوية والعادات والتقاليد والتحكمات والتعنيف والإهانات عم يحاول يسلبنا هاي القوة. أنا بكتب هالشي ﻷني بدي حقوقي بالأمن والكرامة والتعلم والعمل والتنقل واختيار شريك حياتي اللي للأسف كلها مسلوبة.ما راح أرجع ع البيت إلا لما آخد أبسط حقوقي".